منتديات شباب ديرب

مرحبا زائرنا الكريم تشرفنا زيارتك يسعدنا تسجيلك
منتديات شباب ديرب

منتديات اجتماعيه ادبيه سياسيه


    حب فى اوقات الفراغ

    شاطر
    avatar
    عاشق جمالها
    مشرف

    عدد المساهمات : 9
    نقاط : 17
    تاريخ التسجيل : 27/12/2010

    حب فى اوقات الفراغ

    مُساهمة  عاشق جمالها في الإثنين ديسمبر 27, 2010 6:57 am


    حب فى اوقات الفراغ
    لو عندك وقت تحب ولو انشغلت
    اكيد طبعا مش هيبقى فيه وقت سعتها
    هتاخد اجازة حب كلام معقول بردو ؟؟؟
    تعالو نشوف ايه الحكايه

    صحبنا حب وحده قوى
    فضل يطاردها ويقنعها بحبه القوى
    وهي فضلة تقوله انا مش ليك وبحب غيرك قوى
    قال لاء علشان متعرفنيش اكيد هتفضل حبها القوى
    كل يوم اعجابه بيزيد بيها قوى قوى
    ولان قلبها جميل ومبتحبش تشوف حد بيتالم قوى
    قررت تريح صحبنا وتخده على قد عقله قوى
    هتشوف ايه حكايته وتبعده عن طرقها لانها مبتحبوش قوى
    كل يوم تتفنن ازاى تزهقه علشان يعرف ان لها حبيب بتحبه قوى
    ومش شيفه صحبنا اللى اتملك من قلبه حبها قوى
    فضل يتنطط ليها زى القرد فى كل مكان علشان يقنعها بحبه القوى
    ويوم ورا يوم بدات تاخد بلها من صحبنا الاهبل قوى
    ولفت نظرها اخيرا ليه مش لحبه اللى مالى قلبه قوى
    راحت تحكى حكيته لصحبه ليها صحبتها قوى
    جات صحبتها تشوف القرد اللى بيتنطط من حبه قوى
    وبعد محست انه قلبها بدا يتشغل بصحبنا يعنى شويه مش قوى
    قالت راي لانها صحبتها الانتيم قوى
    الواد ده يابيحب يابيكذب وفنان فى الكذب قوى
    اخدت منها النصيحه وبعدت عن صحبنا بعد محس بالتفائل قوى
    من غير سبب كان احساسه ببعدها ولا هى بعدت لانه اهبل قوى
    قال مش هياس وهفضل ادور عليها واكيد هتحس انى محتاج حبها قوى
    بيقعد صحبنا مع نفسه يتخيلها وهى جياله تقوله بحبك قوى
    بحننها ورقتها اللى سحرووووه ووقعوه فى حبها قوى
    ومر وقت طويل عليه طبعا لانه مستني ترجعله قوى
    اما هي محستش بالوقت لانه مش على بالها قوى
    وفجئه رجعت وشفها تانى صحبنا المتنيل على عينه قوى
    ردت فيه الروح بعد اليئس وبدء قلبه ينبض تانى قوى
    قال خلاص رجعالى تانى وهتحس بي وبحبى القوى
    عملته تانى وكانها متعرفهوش قوى
    ورجع يتنطط صحبنا تانى وهى هتعمل ايه وقت كبير فاضيه ونفسها تتسلى قوى
    سمعت الحكايات تانى من صحبنا بقلبها الجميل واللى بيحس بالناس قوى
    صعب عليها تانى حاله وعزابه فى حبه القوى
    قالت يلا من قدم شئ بيداه التقاه زى المثل مبيقول وايه اخصره لو محبتهوش قوى
    عادى لو افتكرته بعدها سعتها هقول كان القرد شاطر فى التنطيط قوى
    وصحبنا مش فاهم انه بهلوان قدام ست الحسن لازم يسعدها قوى
    وإلا هتسيبه يخبط راسه فى الحيط تانى قوى
    بس كان فيه حاجه بتشدها قوى
    حضور زهنه وحديثه اللى ديما مشوق قوى
    ولا صوته كان بيخدها لعالم حبها القديم قوى
    حبت صوته واحساسه اللى بيريحها وبيعيشها فى عالم حبها اللى اتمنته قوى
    ورغم انها عملت اللى عليها علشان مبتحبش الكذب صرحته قوى
    وقالت ليه هو ايه بالنسبه ليها وانها برده مش هتحبه قوى
    بس مش مشكله خلينا نشوف اخر حركاتك يمكن تلفت نظرى ليك قوى
    قال صحبنا مش مشكله مسيرى انسيها حبها واخليها تحبنى قوى
    وزى مبيقولو كتر الودوده فى الودن اكتر من السحر هيسحرها قوى
    طيب البهلوان نسى حقيقة شعرها اللى مش ممكن تزيد وبتبقى حقيقه قوى
    وان قلبها اتفتح مره واتصدم قوى
    وهى مش عوزه تانى وملهاش نفس للموضوع قوى
    فضل الوضع كما هو عليه تسمع وتضحك على صحبنا قوى
    وهو هيموت ويسمع منها كلمة حب نفسه فيها قوى
    قالت جبر الخواطر على الله بحبك ياابو صوت حلو قوى
    صوتك بيخدنى لعالم الاحلام مع غيرك ومعاك بسرح فيه قوى
    بدء صحبنا يزعل منها ومش عاوز يصدق الحقيقه الوضحه قوى
    انها مش ليه ولا هييجى يوم وتحس فيه بحبه القوى
    مظلومه البنت بصراحه قالت وعرفته بس تقول ايه فى الغباء لما يبقى قوى
    المشكله بدءت هى تهتم بيه شويه وتعودت تهرب من همومها فى عالم احلامه الحلو قوى
    قالت لصحبنا فى يوم خلاص بقيت بحبك قوى
    ايه الحكايه هى قالت لانها حبت ولا لسه بيصعب عليها قوى
    ولما قالت طار من الفرح وقال الحلم بيتحقق وهى اللى بيتمناها قوى
    كان بيحب يسمع منها ونفسه متبطلش تقول بحبك قوى
    كانت بتخرج منها زى السحر تدخل قلبه العطشان لحبها قوى
    هيقف قلبه من كتر فرحه بحبها واعترفها اخيرا بعد ماتعبته قوى
    فضل الوضع كدا فرح وسرور كل يوم حب بيزيد فى قلبه قوى
    وهى اتمنت وقالت نفسى تكون ملكى انا طار من الفرح بكلمها قوى
    وكل يوم هييجنن لو مسمعش صوتها وعاش احسسها الحلو فى الحب قوى
    بس هى عندها حجات بتشغلها عنه وهو نفسه تكون معاه فى كل وقت قوى
    بدء اللقاء بدل ميزيد كل يوم ويجمع قلبهم فى الحب قوى
    يقل وحجج منها واعزار لان الوقت مش ملكه لوحده وفيه حجات عندها اهم قوى
    كان حلمه تسمعه وتحس بيه وتحبه قوى
    ولما حصل طمع فى الاكتر عوزها ملكه هى وحبها القوى
    ولان اللى بتشوفه كل يوم معاه بيتكرر بدء الملل منه ومن حبه الكتير قوى
    مبقاش عنده جديد زى عادته زمان اول معرفته كانت بتفرح وقتها قوى
    قالت مشغوله ومش فاضيه عندى ناس بتشغلنى ومبقدرش اكون معاك قوى
    ادينى فرصه ارتب وقت نتقابل فيه علشان اعرف اخد رحتى قوى
    هيجنن صحبنا طال الوقت ومرجعتش ولا حتى بتفتكره قوى
    ولما بتتصل بيه مبتطولش قوى
    كان راضى ومقدر ظروفها قوى
    ولما رجعتله فى الوقت الفاضى اللى عندها قالت اسفه اتاخرت قوى
    اصل الظروف والحجات والكلام اللى بينفع فى المواقف دى قوى
    ولانها مكنش عندها وقت ولا عرفه تشوفه وتكلمه من انشغلها القوى
    ومن ضمن المشغوليات بتعتها النت والتصفح بتحبه قوى
    زعل صحبنا لما عرف انها نسيته فى وقت فرغها اللى فضلت فيه النت عنه قوى
    وانشغلها مكنش حقيقه والحقيقه اظاهر انها ملت منه قوى
    تكرار مواضيع بيحكيها كل يوم دى حاجه تزهق قوى
    لما زعل معرفش يقول ايه اللى مزعله منها قوى
    حست بيه بقلبها الجميل اللى ديما حلو قوى
    سالت وقالت مالك رد قولى ايه مزلعلك منى وخلاك تسكت كدا قوى
    ولانه عارف انها حساسه هتعرف انها غلطت فى حقه وفحبه ليها القوى
    وان جرحها ليه قبل حبها واعترفها كان اهون من اللى بعد حبها القوى
    قالت هتتشغل عنه كتير فى الايام الجيه قوى
    حس سعتها انها حبته لانها كانت فاضيه ومورهاش حاجه قوى
    ولانها محستش ايه اللى زعله او استهبلت قوى
    قال اديها فرصه تراجع نفسها وتيجى تعتزر عن غلطها فى حق حبه القوى
    راحت ومرجعتش تانى كان الله فى عونها اصلها مشغوله قوى
    الحب فى اوقات الفراغ بيسلى قوى
    ولما بننشغل بننسى حد حبنا واخلص لينا قوى
    مش عيب فينا عيب فى الظروف والدنيا اللى بننشغل فيها قوى
    بننسى قلوبنا وقلوب عيشا لينا قوى
    سيبين ليها جرح والم هيفضل يجرح فيها قوى
    لمجرد ذكرى ولا شوية حنين لحب مش على بالنا قوى
    حلوه الفكره الحب فى اوقات الفراغ طلع مسلى بصراحه قوى

    واعتقد صحبنا مستنى وقت فرغها الجاى يمكن تفتكره هو وحبه القوى

    بقلمى عاشق جمالــــــــــــــــــــــها

      الوقت/التاريخ الآن هو الثلاثاء سبتمبر 18, 2018 6:04 pm